Հադրութի շրջանի բնակչությունը էթնիկ առումով միատարր է հիմնականում բնակվում են հայեր: Հադրութի շրջկենտրոնը` Հադրութ քաղաքը գտնվում է մայրաքաղաք Ստեփանակերտին 75 կմ հեռավորության վրա: Հադրութի շրջանում է գտնվում ԼՂՀ բարձրագույն լեռնագագաթներից մեկը` Դիզափայտը, ինչպես նաև շրջանի տարածքով հոսում է Իշխանագետը որը Արաքս գետը սնուցող երակներից մեկն է:

Հադրութ քաղաքի ճշգրիտ հիմնադրման տարեթիվը անհայտ է, սակայն նրա տարածքում հանդիպում են նախաքրիստոնեական ժամանակաշրջանի հուշարձաններ: Ստույգ է նաև այն որ արդեն 16-րդ դարում գոյություն է ունեցել Խոնաշեն(Հոն և Շեն) անվանումով բնակավայր որը հետագայում վերանվանվել է Հադրութ(Միջագետք): Մինչև մեր օրերը պահպանվել են 18-19-րդ դարերում կառուցված հին թաղամասերը ինչպես նաև 17-րդ դարի Սուրբ Հարություն և մոտավորապես 14-րդ դարի Սպիտակ Խաչ եկեղեցիները: Հադրութի շրջանը, որը պատմության մեջ հայտնի է Դիզակ անվամբ արդարացիորեն համարվում է թանգարան բաց երկնքի տակ: